Friday, July 27, 2012

#EGYTEACHERS الى رئيس الجمهورية – الى رئيس الوزراء – الى وزير التربية والتعليم | دوار الخوجة

استغاثه الى رئيس الجمهوريه ورئيس الوزراء ووزير التعليم ونقيب المعلمين المعلم المصرى هو الوحيد فى العالم وعلى مر العصور اللى يترقى فيخصم من راتبه ساعدونا فى محو هذا العار عنا وعنكم وعن بلدنا اللى يستحق افضل من كده

#EGYTEACHERS ثورة المعلمين ضد الفساد فى قرارات وزارة التربية والتعليم على دوار الخوجة

ثورة المعلمين القادمة يوم10/9/2012 ضد الفساد التعليمى وضد قرارات وزير التربية والتعليم

 

مطلوب مدرس رياضيات شاطر يحل المسأله دي !!!!!!
أحد الزملاء إقترح علي فكرةجديدة للإعتصام بعد ما طرقنا جميع أبواب السادة المسئولين من أجل حقوق المعلمين ولم يفتح لنا باب ......الزميل قال : أنا هاخد مراتي وعيالي الأربعة وهجيب خيمة وأقعد أمام الوزارة ومش هستلم مرتبي الشهر ده وخلي الوزير أو أي مسئول في الحكومة يأكل عيالي واحنا ملناش طلبات غير سندوتشات فول وطعميه التلات وجبات ... كل واحد فينا هياكل 3سندوتشات في الوجبة في 6 أفراد بـ 18 سندوتش في 3 وجبات بـ 54 سندوتش في جنيه ونصف للسندوتش بـ 81 جنيه في اليوم في 30 يوم بـ 2430جنيه في الشهر مرتب الزميل : 1150 جنيه في الشهر أي يحتاج مع راتبه : 1280جنيه!!!!طبعاً بدون أجرة سكن ولا كهرباء ولا لبس ولا مياه ولا علاج !!!! وطبعاً هذا الزميل ليس في حاجه للنت ولا للفيس بوك ولا للمحمول ولا للدش ، لأنه كده كده ميت ميت هيحتاج الحاجات دي ليه ؟ !!!! أنا أفرق عن هذا الزميل طفلين بس .....!!!!!
دكتور محمد زهران - المطرية التعليمية - القاهرة
هل يستطيع الدكتور مرسي المصادرة والتأميم ؟!!!!
كنت في محاضرة مع طلاب معهد الخدمة الإجتماعية ، وكان محور الحديث عن العدالة الإجتماعية ، وقد تحدث الطلاب معي عن القصور والفيلل والشاليهات والسيارات والمليارات والشركات والممتلكات التي يستحوذ عليها مالا يزيد عن : 5 % ممن يدعون أنهم رجال أعمال !!!! وسألني الطلاب لماذا لم يتم تفعيل قانون من أين لك هذا ؟ !! فرديت عليهم بأن تطبيق هذا القانون سيضع : 98 % من هؤلاء في السجون وأغلبهم يدير البلد سواء ظاهراً أو في الخفاء !!! فهل يستطيع الدكتور مرسي أن يكلف الدكتور العوا بهذه المهمة خاصة المنصب الذي كلفه به وهو : " العدالة الإنتقالية " من صميم عمله تطبيق قانون من أين لك هذا ؟ !!! وهل بعد تطبيق القانون والتأكد من أن هذا الثراء الفاحش على حساب دماء الشعب المسكين .... هل يستطيع الدكتور مرسي المصادرة والتأميم وإعادة توزيع الثروات على هذا الشعب الجائع ؟ !!! لو فعل ذلك السيد رئيس الجمهورية ساعتها سيصبح عندنا مليون مشروع نهضة !!! أما مطالبة الشعب بالعمل والإنتاج والمشاركة في البناء والشعارات التي لا تقدم ولا تأخر فهي حنيه مفتعله .. تشبه حنية الوز !!!! كما يقول العامة !!!!!!
دكتور محمد زهران - المطرية التعليمية - القاهرة
حسبي الله ونعم الوكيل : الحكومة هتكفرنا في نهار رمضان !!!!
سمعت هذه العبارة وأنا على سلم الإدارة ، صاحب هذه المقولة زميل لنا حديث التعيين ، سألته عن السبب قال : العلاوة التي أقرها رئيس الجمهورية 15 % وكتر خيره وزير المالية قرر إن الحد الأدنى للعلاوة 50 جنيه نظر لأن هناك من لا يتعدى أساسي مرتبه 200 جنيه أي سيحصل على علاوة من : 25 إلى 30 جنيه ، فرديت وقلت له : يشكر وزير الماليه في موضوع الحد الأدنى ده .... رد وقال لي : المشكلة ‘ إن فيه منشور جه الإدارة بإلغاء الحد الأدني يعني هيلغي موضوع الـ 50 جنيه !!!! هي الحكومة دي عايزه تخلينا بلابيص ؟ !!!!!، الله يلعن الـ ....... طبعا ً الراجل فطر من الشتيمه .... للأمانه أنا نزلت أجري على السلم لأني كنت هفطر أنا كمان وطبعاً في الجو ده لا أستطيع التعويض بعد رمضان !!!!!!!! وكل سنة وانتم طيبين .... رمضان كريم .
دكتور محمد زهران - المطرية التعليمية - القاهرة
دكتور محمد زهران خد دى كمان الخد الأدنى للمعاشات فقط ، مش بس كده النهاردة اطلعت على المرتبات الجديدة ، وقد تم زيادة الضرائب على المرتبات بشكل كبير لدرجة ان نصف الزيادة طارت فى الضرائب ، كمان الترقيات لم تتم ، والكادر كما هو على اساسي 30/7 مش 1/7 يعنى مفيش زيادة ،وخلينا نايمين
ياجماعة قبل التظاهرات دية فيه حاجات لازم تتعمل ليه مظاهرات قبل المظاهرات ديه اولا نتظاهر ونطرد كل انسان راشى لمنصبه فالاغلبيه العظمى علشان يمسك وكيل وزارة اومدير ادارة دافع فلوس والكل يعلم ذلك الناس ديه لازم تطلع بره التشكيل خالص هما دوله الى مضيعين حقوقنا والنظر لنقباء المعلمين الى اغلبيتهم همهم على نفسهم الناس ديه لازم يتوقفله وقفه ياجماعة الظلم موجود حتى الان كل الى منصب من ايام الرئيس المخلوع فلول ويقبل الواسطة دة حتى فى البنك الاهلى الى ليه واسطة وعارف موظف صرفوله مكافأة الامتحانات والى ملهوشى واسطة من يوم الخميس كل يوم يروح ويرجع بدون فايدة فين العدل وعلشان كدة لازم نقف كذا وقفه احتجاجية مش وقفه وحدة كل شىء فاسد فى البلد لازم يتصلح لازم نقف كذا وقفة للفساد قبل وقفة 10/9 لطرد واقالة الفاسديم من اماكنهم التى حصلوا عليها بالرشوة وكلنا نعلم ذلك والله الموفق والمعين
مسلسل ادارة بركة السبع التعليمية
http://twitpic.com/ab6aor

الفساد الحكومى فى وزارة التربية والتعليم سبب ثورة المعلمين

 


هل أعجبك الموضوع؟ شارك! ↓

Share/Bookmark

المشاركات الشائعة